loader

ثورة الغنم … ٢٥ يناير ٢٠١١م

فلا شك فى أنها ثورة غنم ، لأن الغنم ينقادون وراء أى راعى دون تمييز بين مالكهم أو سارقهم ، وبين من يقودهم للمرعى أو للذبح ، ورئيسنا يجبد الرعى ، فراعى الغنم المحنك إذا فر منه أحد الأغنام لايجرى خلفها فتزداد فراراً ويسرق منه الذى لم يفر فيخسر كل شئ كما فعل القزافى ، ولا يترك الفار والذى لم يفر ويذهب لينام فيخسر أيضاً كل شئ كما فعل بن على ، ولا يترك الفار ويكتفى بالذى لم يفر فيكون مهملاً مضيعاً وسيخسر يوماً بعد يوم إلى أن يخسر كل شئ كما فعل البشير ، وإنما يهدأ ويجتزبها إليه بحزمة من البرسيم ، ويصبر حتى يجمعها من جديد كما يفعل مبارك ، فالمحاكمات وزيادة المرتبات وكل ما يحدث ليس أكثر من حزمة برسيم ، وأكيد إنشاء الله الجاى أحسن بكتير مش علشان الغنم سيقودوا البلاد لما فيه الخير إلا إذا كان الأحسن اللى أقصده هو اللى حصل للإتحاد السوفيتى ولا العراق ولا يمكن السودان وإحتمال ليبيا ، لاء أكيد اللى جاى أحسن بجد إن شاء الله علشان ربنا بيحب مصر وحط حبها فى قلوب ناس كتير من أهلها مستعدين يجوعوا ويتعروا ويتسجنوا ويموتوا علشان تبقى أحسن بلد فى العالم ، حتى غنم ميدان التحرير وأمثالهم فيهم بيحبو البلد بس بطريقة الدبة الى هشة الدبانة من على دماغ صاحبها بصخرة فقتلته ، فإذا كنت لسة مش شايفها ثورة غنم قولى : مين حدد المواعيد فى كل الدول العربية ؟ مين كتب السناريو المتطابق مع الحرب البارده فى الإتحاد السوفيتى والذى ينفذ بالنص فى كل دول الربيع الزرايبى مع إختلاف الآليات طبعاً لأن كل وفت وله أدان ؟ كان بيعمل إيه المهندس الإسرائيلى فى السويس ؟ ليه إيران كانت مهتمة باللى بيحصل فى مصر وتركيا كانت بتؤيده من أول يوم ؟ ليه اللافتات اللى كانت مرفوعة ضد التظام كانت بلغات أحنبية ؟ إيه سبب وجود أجانب بين المتطاهرين ؟ ليه فضائيات الأخبار فى بداية الأحداث كانت 24 ساعة عن مصر واللى بيحصل فيها بتهويل ومبالغات وأكاذيب يراها الأعمى وكلمتين ونص عن اللى بيحصل فى تونس أو الأردن أو ليبيا ؟ وأخيراً ليه محصلش ثورات فى العراق ولا أفغانستان ولا الكويت ولا السعودية وطبعاً ولاقطر ؟ أكيد لأنهم بينعموا بالرخاء والديمقراطية على أيدى الأمريكان لكن إحنا لسه مشفناش نعيم ماما أمريكا . وعايزين نشوفه طبعاً ، فبدل ماالحاجة أمريكا تيجى تعلمنا الديمقراطية بالعافية زى العراق وأفغانستان وأخيراً ليبيا وتصرف دم قلبها ، لاء تخلينا إحنا اللى ناخد عندها درس ونصرف دم قلبنا عشان نعملها اللى هيا عايزاه ، وهى دى الديمقراطية يا رجالة ، ثورة غنم علشان البطالة فأتقفلت المصانع والشركات وإتسرحت العمالة ، لاء عشان الأجور !!! هتيجى منين الفلوس اللى هيقبضوها والشغل واقف ، لاء لاء ده عشان الأسعار فعلاً مشاء الله الأسعار نزلت جداً ولسه التقيل ورا ، لا ياعم ده عشان الظلم والإفترى بتاع الحكومة فعلاً عندك حق تكسير البلد وحرق المحلات والعربيات والأقسام والسجون وتهريب المساجين وقتل وزبح رجال الشرطة وتعليق رؤوسهم المقطوعة على أبواب السجون المدمرة فعلاً قمة العدل ، ياسيدى بلاش كل ده عايزين نغير ، زى ماتكون هتغير كرسى ولا كنبة ولا فردة شراب دى بلد ومش أى بلد لما تحب تغير فى مستقبلها لازم تبقى عارف كويس إنت بتعمل إيه … إصحاااااااااااااااا … فوووووق … ركز وفكر وبلاش ترديد الكلام زى البغبغانات … ويا ريت الناس اللى بتروح ميدان التحرير علشان تتفرج وتتفسح يروحو حديقة الحيوان أحسن . وعشان مايتعدوش على أنهم مليونية وعمرها ماكانت حتى ولو وقفوا فوق روس بعض عمر الميدان ما ياخد مليون ولو خد معظمهم رايحين يتفسحوا ويبقى إسمهم شاركو فى حدث تاريخى ، لكن صدقنى هاييجى اليوم اللى تتكسف من نفسك وتخاف لحد يعرف إنك روحت هناك فخد بالك لتتصور وتتحسب عليك وعيالك يتعايروا بيك .

م/ هاني الباز
12 فبراير 2011م الكتابه الأولى . وتمت تعديلات حتى 7 فبراير 2012م

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *